سياسية
2013/02/17 (23:00 مساء)   -   عدد القراءات: 21499   -   العدد(2728)
الأمن النيابيّة: زيادة مرتقبة على رواتب منتسبي ومتقاعدي قوى الأمن الداخلي الداخلية
الأمن النيابيّة: زيادة مرتقبة على رواتب منتسبي ومتقاعدي قوى الأمن الداخلي الداخلية


 بغداد/ محمد صباح

رجحت لجنة الأمن والدفاع النيابية، التصويت على قانون قوى الأمن الداخلي خلال الايام القليلة المقبلة، بعد إجراء تعديلين على مشروع هذا القانون حيث تضمن الأول رفع رواتب المدنيين المستمرين في الخدمة أسوة بأقرانهم في وزارة الدفاع، والثاني رفع الرواتب التقاعدية للجرحى والشهداء.
وقال عضو لجنة الامن والدفاع البرلمانية عباس البياتي في حديث مع "المدى" ان هناك تعديلات ستجري على قانون قوى الأمن الداخلية، الأول شمول المدنيين العاملين في وزارة الداخلية برواتب أقرانهم من منتسبي الشرطة بالامتيازات والمخصصات أسوة بالمدنين في وزارة الدفاع".
وأضاف البياتي أن "هناك تعديلا آخر ستقدمه إحدى الكتل السياسية على قانون قوى الامن الداخلي والذي يشمل عائلات الشهداء والجرحى في قوى الأمن الداخلي التي مازالت رواتبهم دون المستوى المطلوب"، لافتا إلى أن لجنة الأمن والدفاع ستأخذ على عاتقها تعديل هذا القانون".
وأوضح القيادي في ائتلاف دولة القانون عباس البياتي أن "التعديل الاول سيقتصر على منتسبي الشرطة العاملين الاحياء، والمستمرين في خدمتهم أما التعديل الثاني سيكون لكافة شهداء وجرحى الامن الداخلي في تحسين رواتبهم التقاعدية، مبينا أن هذه القانون سيتم عرضه للقراءة الثانية في أقرب وقت من الان  بعد ذلك عرضه على التصويت داخل قبة البرلمان".
وأتم مجلس النواب القراءة الأولى لمقترح قانون التعديل الأول لقانون الخدمة والتقاعد لقوى الأمن الداخلي رقم 18 لسنة 2011 في جلسته المنعقدة يوم 5/2/2013، والمقدم من لجنة الامن والدفاع لغرض مساواة الموظفين المدنيين في قوى الامن الداخلي مع أقرانهم في وزارة الدفاع.
من جهته أكد نائب عن التحالف الكردستاني أن "تعديل قانون قوى الأمن الداخلي يرمي إلى خلق توازن بين موظفي وزارتي الدفاع والداخلية، مضيفا ان هذا القانون لن يكون بأثر رجعي.
وقال النائب شوان محمد طه في تصريح لـ"المدى" إن هذا التعديل يتيح للمشمولين بهذا القانون المساواة بينهم وبين قانون موظفي الدولة من امتيازات ومخصصات، داعيا في الوقت نفسه الحكومة الاتحادية مراعاة هؤلاء المعاقين والاهتمام بهم لانهم خدموا البلد".
وتنص المادة -41- من القانون اولا – يستحق رجل الشرطة المحال إلى التقاعد راتبا تقاعديا إذا كانت له خدمة تقاعدية قدرها (15) سنة فاكثر اما اذا كانت خدمته التقاعدية اقل من ذلك فيمنح مكافأة تقاعدية الا في ما يرد به نص خاص في القانون.
وزاد طه أن "هذا القانون لن يكون بأثر رجعي سيسحب من تاريخ أقراره داخل قبة البرلمان ".
وينص قانون قوى الأمن الداخلي في مادته الاولى على أن قوى الامن الداخلي تشمل  الشرطة المحلية وشرطة الحدود والدفاع المدني والمرور والشرطة الاتحادية وشرطة الحراسات وأية تشكيلات أخرى ترتبط بوزارة الداخلية والشهيد هو رجل الشرطة الذي يقتل أثناء مشاركته في الحرب أو الحركات الفعلية أو المصادمات أو في حوادث الإرهاب أو التخريب أو بسبب أي منها.
والجريح هو رجل الشرطة الذي يطعن أو يصاب بحادث أو مرض أو عاهة أثناء مشاركته في الحرب أو الحركات الفعلية أو المصادمات أو في حوادث الإرهاب أو التخريب أو بسبب أي منها، أما المفقود هو رجل الشرطة الذي يفقد أو يختطف أثناء الخدمة أو اثناء قيامة بالواجب أو بسببه ولا يعلم مصيره.



تعليقات الزوار
الاسم: ابونور
الموظف المدني لايجوز اقارنه بلشرطه اولاموظف مدني ينتهي الدوام الرسمي ويذهب الى البيت اما الشرطي منتعل والدية بلشارع شوكت تنفجر علية مفخخة ومعرضة حياتة للخطر هذا اقارنة ويا الموضف المدني عمي ماصيرا وثانيا عقوبت المدني مثل عقوبت الشرطي الشرطي عقوبتة زيان صفر وحبس الموظف المدني لفت نظر وهذا ياخذ حقوق تريدا مثل الشرطي برلمان وحكومة تعبانة
الاسم: مهندس علي
ابطال الداخليه يستحقون الكثير
الاسم: عدي عبد الزهره
الشرطي مستلك ابو ابوه بشارع ونوب يساون المدني الكاعد على تبريد واحنه مسموط ايونه بشمس والعقوبات تركض علينه ركض هاي اذا ماطكة علينه مفخخة لو عيوة
الاسم: سنان
والله ملينه من الحكومه ... يعني احنه شرطة كهرباء خدمتنه كله لغوه من يوم الي حولونه عالداخليه والراتب الاسمي النه 136000 الف الله يرضه يا سياسين الله يرضه ياناس وفوكه امخلصين راتبنه عالايجارات والكراوي للدوام .... ارحمو من في الارض يرحمكم من في السماء
الاسم: عماد وانه
بالنسبة لتعديل الرواتب قللوها احسن وقللو وياها الدوام سووها خمسين بالمية ((( والله بالشهر انزل تسع ايام الله يرضاها وفوكاها انذار وحجز وتاخير وطريق ))) والله منريد زيادة والله ؟؟؟ بالقران انام 6 كل اربعة وعشرين ساعة يعني كل يوم بالدوام بس ست ساعات انام وذا متصدكون هسه نحسبها عدنا انذارين صباحي ومسائي يقطع من اليوم ست ساعات والباقي اقسمها نصين نص استراحة ونص دوام يعني 18تقيم اثنين ؟؟؟؟؟ زين منتغده منتعشا منتريك شلون ؟؟؟ قللو دوامي حتى اعمل بجد ورضي الله ورضي الناس
الاسم: كرار
اشو المدني هم تنفجر عليه عبوه لان ايداوم وي الشرطي وهم معرض للتهديد مثل الشرطي وعلى الاقل المدنيين اصحاب شهادات تعابنين على نفسهم مو مثلكم انتو شنو تحجون على المدنيين اشو دوامنا بالوزارة ما بنتهي الا بالثلاثه وحضرت جنابكم تطلعون من الصبح بحجت جنت خفر ونشتغل نفس شغلكم واكثر واحسن غير الزمن خلانا نداوم وياكم والله وكت
الاسم: المظلومين
انشاله الخير من الدوله همه الاعرف لو ما الشرطه محد يكدر يمد راسه من باب البيت تحياتي لحسن للجنة الامن والدفاع
الاسم: احمد
بس اريد اعرف الي ضايج لان راح ايزيدون الموظفين شنو ماخذين من بيت ابوك هوة انتو الشرطة لاقراية ولاكتابة والموظفين اقل واحد بينا عندا بكلوريوس وثاني شي احنا حتى خفارات جنة نلزم حالنا حال الشرطة ومحد كال خطية خلي نصرفلهم بدل طعام الة اشتكينة وصلناها لمجلس النواب يلة شالو الخفارات من عدنا كل شغل الوزارة احنا شايلي لان الشرطة لافهم ولاعلم
الاسم: شرطي ودامي70%
اخ كرار انتة عندك تبريدوحوافز واغلب الشرطة عدها شهادات بس امدة الوكت خلنه انصير شرطة لئن شغل ماكو وانا خريج اعدادية ولا تقارن نفسك مع الشرطي يا محترم .
الاسم: محمد الكعبي
حقيقة. الشرطة. يستحقون. اكثر. لان. 24ساعة موجودين. بلشارع.او. متعرف. اي.ساعة.اطك. المفخخة.عليهم.اماالمدنيين.كاعد بلوزارة على.تبريد. او.يمة الشرطيات اوونسة اوضحك خلي. يطلعون.لشارع. اييشوفو. تحياتي.
الاسم: باسم الربيعي
الي يحجي عالشرطة خلي ياكل تبن لان لو ما الشرطة جان ماطلعت اصبعك من الباب بس شنسوي للحكومة محد يباوعنة احنة خاصة الشرطة الاتحادية
الاسم: موظف مدني منصف
ليش يا اخوانه الشرطة شبيكم الحقد والغل مالي صدوركم تجاه الموظف المدني يعني هسه ماكو شرطة ما يلزمون خفارات ودوامهم يومي للساعة ثنتين وهم يتقاضون رواتب حالهم حال الشرطة اللي بالشارع وحته الشرطي اللي بالشارع هم يا دوب يلزم واجب 3 ساعات ويروح ينام . بس اريد اعرف هي الرواتب من جيوبكم من جيوب الخلفكم ما تصيرون بشر لا والله . للعلم والله الموظف المدني يشتغل احسن من الشرطي . بس حسبي الله ونعم الوكيل فيكم .
الاسم: موظف في مكتب المفتش العام
السلام عليكم ورحمه الله وبركاته بالنسبة للموظفين في وزارة الداخلية بشكل عام وموظفي المكتب بشكل خاص والله العظيم هم متعرضيين لخطورة اكثر من الشرطي والعسكري لان الموظف المدني يداوم يوميا يروح يوجي للبيت بدون اي خط وكراوي يومية بالاضافة الى التعب النفسي في الازدحامات يطلع الموظف بالسته من البيت ويخرج ساعة ب 3 بعد ليش ضايجين يا شرطة ويا عسكر الموظف المدني هو اقل شهادة عنده هي بكالوريوس احنه درسنه وتعبنه وسهرنه ونجحنه هاي ضايجين لان راح يزيدون رواتبنه والله العظيم عيب على هذا الكلام مالتكم ابدال ما نتحد ونصير ايد وحده يعني اني موظف في المفتشية استلم 680 الف وخريج بكالوريوس ومزوج اني وعندي طفلة لا الله ولا محمد يرضه بيها وماعندي سلاح مسدس لان موظف مدني ميطوني ولا سيارة ولا خط نص الراتب على الكراوي كولوا يا الله وخلي الله بين عيونكم وانصفوا الموظف المدني حالة حال موظف وزارة الدفاع الي يستلم مليون وربع
الاسم: ابو حسن موظف
السلام عليكم اخوان ترة احنة ما ناسين التعب الي يتعبة الشرطي بس احنة هم تعبنة وبنينة مديريات وسهرنة ولزمنة خفارات وقدمنة شهداء اومفقودين في سبيل امن البلد من سنة 2004 لحد الان وان شاء الله انريد دعائكم .
الاسم: ابو علي
يعني الموظف المدني ترة من لاجارة احنى بالداخليةوالله تعال كل واحد يتمنى ينقل الى غير وزارة لان شهايد كلنا لا ايفاد اجانا يوم ولا شي يفرح بس شغل على كد الراتب وروح للبيت غيرها ماكو والضباط اول الناس .. شوف وزارة النفط والكهرباء يلعبون لعب بالفلوس 3 يداوم يوم وعنده صنعه .. ونرجع ونكول الف الحمدلله والشكر عدنا تعيين .
الاسم: واثق المحمداوي
عيب عليكم كلكم واحد يحجي على الثاني انا جاي اخدم العراق صار 24 سنة وانجرحت 4 مرات وكله فدوة للعراق لا تضلون تحجون زايد ضرباتي فدوة للشعب الراتب شكد ما يصير هو عشر عشر عشر عشر عشر ما يتقاضه البرلماني والسياسي عدا البوك وكافي بطلو الحجي
الاسم: المحامي عبد حسن الكناني
اولاً ان الجميع عسكريين ومدنيين يخدمون الشعب والعراق وان كل من يخدم بلده باخلاص يستحق كل خير ولكن عندما تكون الالام ومعاناة المنتسبين تفسر بحسابات سياسية لتلك الجهة او تلك متناسين هؤلاء الجنود المجهولين الذين هم عماد بناء الدولة لكن هنالك الفضائيات التي يجب ان يدرس واقعها المؤثر على الوضع الامني ويكون له الف حساب لان ليس من العدل من يكون في بيته وياتي لاستلام الراتب وبين من يخدم ويستلم الواجبات والخفارات بدل عنه ويتسبب بتذمر وارهاق وتعب وبالتالي تقصير لانه يتحمل خارج طاقته ولكن الحق ان المخلصين للوطن ويخدمون بشكل جيد يستحقون المزيد المزيد لانهم المستقبل الواعد للعراق
الاسم: احمد التميمي
اني منتسب وبالاتحادية وشمروني بالموصل وصارلي من الصقوط لحد هسة يومية شامريني من مكان خطر الى اخطر و مضروب طلقة بصدري وما فد يوم لغيت و اشتكيت لاتذمرت من عملي لان عيب احنة زلم مو نسوان ما اخلي السفلة يلزمون علينة لزمة احنة وزاره وحدة اليوم انطو الاخوك باجر الخير ايصير الك لا اتضحكون علينة العالم ياصناديد الداخلية
الاسم: جريح
نحن ضباط ومنتسبي شرطة محافظة نينوى من المصابين والمعاقين جراء الاعمال الارهابية ولدينا درجات عجز خمسون فما فوق وعاهات مستديمة وقد صدر ارم نقلنا الى مديرية الرعايه الاجتماعية في شرطة محافظة نينوى بأمر من السيد وكيل وزير الداخلية المحترم وعند التحاق قائد الشرطة الجديد بتاريخ 7_6_2013 العميد الركن خالد الحمداني صدر اوامر تخالف اوامر بغداد وطلب منا المباشرة بالدوام والواجبات وقال بالحرف الواحد انه لا يعترف باوامر السيد الوكيل الاقدم عدنا هادي الاسدي ولم يلتف الى تضحياتنا في هذا المسلك ونطالب في طلب جماعي من السيد دولة رئيس الوزراء والسيد وكيل وزير الداخلية المحترم ان يوقف اوامر خالد الحمداني وان ينصف هذه الشريحة المظلومه من الشرطة وباسرع وقت ولكم منا كل الاحترام والتقدير وانتم سند لنا وفقكم الله
الاسم: علي
اني موظف مدني بالداخليةصراحتا اكيف اي عراقي يستلم راتب او تجي زياده بغض النضر عن انتمائه وشهاته واي شي لان اكول مو خساره بي لان هوه ابن البلد صح لو لا والموظف المدني يا اخوان مستهدف بالقتل واي موظف مدني بالداخلية ميكول اني اداوم بالداخلية اياخ على حياته وحياة اهله واطفاله زين الموظف بالدفاع يستلم اكثر من مليون وابو الداخليه يستلم 712000 فرق بال400000 الي عنده ايجار وكراوي والله اخر الشهر لو يبقه من الراتب شي لو لا فالقانون ساوه موظفين الدفاع مع موظفين الداخلية ويار الموفقيه للجميع وحرس العراق واهله من كل شر
الاسم: عمار
انا خريج معهد تقني وانا الان منتسب في المرور اذا كان رواتب الداخليه قليله لانها مقطوعه لاتشملنا عيديه ومكافأت وغيرها مثل بقيه الدوائر
الاسم: صفاء الموالي
الف مبورك عالزياده وانشاله الخير جاي تحياتي
الاسم: عراقي حر
ان مساواة بين راتب وامتيازات الموظف المدني التابع لوزارة الداخليه مع رجل الشرطه سوف يؤدي الى رفع طلبات من قبل رجال الشرطه لتحويلهم الى موظفين مدنيين وخصوصا اصحاب الشهادات لان الموظف المدني له ساعات محدده وليس مشمول بالانذار بكل انواعه وهذه اللخبطه القصد منها تدمير المؤوسسه الامنيه واعتقد مشرع هذا القانون من موظفي الدمج الذي لايفقه شيئا مبروك لجمهورية القانون التي ساوت بين (الكرعه) مع ام الشعر.
الاسم: احمد
يعني بشرفكم يا اعضاء مجلس النواب هسه انتم مخبوصين ومتعبين نفسكم على هذا القانون الي صار الكم اكثر من سنه يوميه تئجلوه بشرفكم المنتسب الي ما مكمل 15 سنه ما مشمول بالتقاعد مو حياته تدمرت بخدمتكم بالشارع وتالي ما تالي يطلع صفر اليدين كان حاسبتو انفسكم الي تداومون بمجلس النواب 4 سنوات وتاخذون لهده مالت فلوس حسبنا الله ونعم الوكيل حسنا الله ونعم الوكل حسبنا الله ونعم الوكيل
الاسم: ابن العراق
احوان مهما كان الموضف يتعب فهو مدني صفته مدنية العسكري صنف اخر فهل يرضة الموضف المدني يرضا يصير عسكري ضلم كبير وحيف مقارنه العسكري بالمدني فلا الواجبات متساوية ولا الخفارات ولا الحقوق المدنية حلاقة الشعر واللحية والملابس والوجبات والقتال هذه كله الا يحسب للعسكري اقرب دول المنطقو الامارات وايران رفع راتب العسكري اربع اضعاف راتب الموظف المدني لكي لا ينحرف رجل الشرطة للفساد يجب ان نقف وقفة حقيقية ا
الاسم: باسم
اخوان اني مفوض على ملاك وزارة الداخلية اوياي مجموعة من ااموظفين المدنيين وصدقوني مافد يوم الموظف المدني يحب الخير للعسكري لان يشوف نفسة على اساس هوارقة لان محد يحاسبهم يتاخر بكيفة ويطلع بكيفة وياخذ اجايز شوكت ميريد وجمعة وسبت وعطل واعياد الهم واحنة اذا مو خفارة انذار وواجبات ومن تشتكي يكولولك لا انته عسكري نفذ والله موحسد وبالخير عليهم بس من باب المقارنة وياريت يزودون كل الموظفين الباقين احسن ماتنباك فلوس ااعراق
الاسم: يعرب القيسي
لماذا يااخوان تقولون (الشرطة لاقراية ولاكتابة ولافهم ولاعلم) اني خريج معهد الفنون الجميلة ولدي مشاركات في معارض داخل القطر وخارجة,وكذلك لدي مشاركات بمقالات صحفية نالت اعجاب كبار الصحفيين .. ورتبتي شرطي
الاسم: ابراهيم اللويزي شرطي
بارك الله فيك اخ واثق والله يكثر من امثالك
الاسم: محمودالربيعي
ﻻتوجد
الاسم: محمودالربيعي
متى الزياده...شوكت نستلمها
الاسم: الزبيدي
متى الزيادة شوكت نستلمها
الاسم: علاء
اني مرايد اعلق بس شسوي اكو واحد يكول دوامي للساعه ب3 وعندي شهاده واحسن من الشرطي لعد احنه شنو عدنه اصخام يغير عدنا شهاده وشهادتين ودخلنه بالشرطه وكل 20 يوم ننزل للمنزل ابو الشهادت مخترع الكلوب انت خخخخخخخهخخخخ
الاسم: حسن معروف
نحن ورثة احد منتسبي الشرطة قبل التغير هل مشمول بالقانون الجديد لقوى الامن الداخلي نرجوا الاجابة ولكم الشكر
الاسم: احمدظلال الفريجي
عيني اصحاب الشهادات علكيفكم والله العظيم كلكم واسطات ومرتاحين اني خريج دبلوم معهد ادارة ومليت من المراجعه ردت احصل الدوام اليومي وماكدرت جماعه الابتدائيه يسرحون ويمرحون بالدوام اليومي واحنا نلزم واجبات
الاسم: حسن الغزي
هل حرس الحدود مشمول في أجور النقل مثل الجيش
الاسم: احمد
السلام عليكم
اضف تعليقك
الاسم:  
البريد الالكتروني:    
التفاصيل:  
رمز التحقق:
جميع الحقوق محفوظة لمؤسسة المدى للاعلام والثقافة والفنون